Семіздік кеселі шегінен шыққан елдер

Семіздік дерті көптеген елде үлкен мәселе болып отыр. Менің білгім келетіні – қай халықтар семіздік бойынша алғашқы орында тұр?
Нұржан, Қызылорда
Соңғы ғасырда кедей­лік­­пен қоса, семіздік дерті де әлемнің басты пробле­ма­ларының біріне айналды. Жуырда БҰҰ-ның Азық-түлік және ауыл шаруашылығы мекемесі әлем елдерінің семіздік бойынша рейтингін құрастырып шыққан бола­тын. Осы уақытқа дейін семіздік бойынша АҚШ елі әлемде көш бастап тұрған болса, енді оны Мек­сика басып озды. Бұл қос мемлекет тұрғын­да­рының 70 пайызының салмағы – адам­ның та­би­ғи межесінен артық көрсеткіште. Мексика тұр­ғындарының 32 пайызы семіздіктің ерекше зар­дабын шегіп отыр. АҚШ-та бұл көрсеткіш 31 па­йызды құрайды. Соны­мен қатар аса «семіз» ел­дердің үштігіне Сирия да енді. Мұндағы тұр­ғындардың да 31 пайызы семіздіктің асқынған шегіне жеткен. Мек­сика мен Сирияда семіздікпен қоса, азық жетіспей ашығып отырғандар да аз емес. «Семіз» елдер тізімінің алғашқы ондығына Испания, Люксембург, Ирландия, Чили, Ұлы­британия, Канада, Австралия және Жа­ңа Зелан­дия елдері кіреді. Тамаққа тал­ғаммен келеді деп саналатын Израиль тұрғындары семіздік кеселі бойынша 16-орында тұр екен. 19-20-орындарда – Ресей мен Ұлыбритания (тұр­ғын­дарының 24 пайызы). Сонымен қатар Белоруссия мен Украи­нада да семіздік мәселесі ушыққан.