Шәмшінің атында не бар?

Қазақ вальсінің королі дүниеден қашан озды? Және содан бері Шәмші ағамызды есте қалдырарлықтай нендей шаралар жүзеге асырылды?
Майра Хамидуллина, Атырау қаласы
1992 жылдың 29 ақпанында қазақ өнері орны толмас қайғыға ұшырады, яғни сол күні  жасы 62-ге қараған шағында ұзаққа созылған ауыр науқастан Халық әртісі Ш.Қалдаяқов көз жұмды. Ал енді сол тұстан бері ұлы композиторға қатысты не іс тындырылды дегенге келсек, 1992 жылдан бастап саз­герлер мен әншілер үшін Ш.Қалдая­қ­ов атындағы халықаралық байқау-фес­тиваль дәстүрлі түрде өткізіліп тұр­а­ды. Шәмшітанушы Қалдыбек Құр­­­­­манә­лиев жыл сайын Алматы қаласында Шәмшіні еске алу кешін өткізіп келеді.
Сонымен қатар Шымкент қаласында об­лыстық филармония, бір кө­ше, Алматы қаласында бір көше, компо­зи­тор туған өлке – Шәуілдір ауылындағы музыка мектебі Қалдаяқов есімімен аталады. Шымкент филармониясының алдына Қалдаяқов ескерткіші орнатыл­ған. «Шәмшіғұмыр» атты естеліктер мен ма­қа­лалар жинағы жарық көрді (2002).