Шәмші сыған қызына ғашық болған ба?

«Сыған серенадасы» әнін шығарған Шәмші ағамыз, расында, сыған қызына ғашық болған ба? Оның сол үшін сығандар арасында тұрғаны да ақиқат па?
Әлима Маратқызы, Шымкент қаласы
Негізі, ақын, сазгер, жалпы, шығар­ма­­шылық адамының әр туындысынан оның өзін іздей беру шарт емес. Себебі олар сондай бір күйді сол сәтте ғана се­зінуі мүмкін, соны шынайы етіп көрсете бі­луімен олардың шеберлігі өлшенеді. Шәм­ші Қалдаяқов сынды ерекше да­рынды, тума талант композитордың кә­сі­би шеберлігі жайлы талқылаудың өзі ар­тық. Ал нақты сұраққа оралсақ, ол жай­лы сазгер ағамыздың жары Жәмила Қал­даяқова өзінің «Замана» газетіне берген сұхбатында былай дейді:
– Шәмші туралы кім не айтпай жа­тыр? Сыған қызына ғашық болыпты де­­ген де сөз шықты. Ол – қауесет. Шын мә­нінде ол былай болған: 1959 жылы оны консерваториядан шығарып жі­бер­­ді. Сол кездерде мен бұрынғы Кра­син кө­шесіндегі сән ательесінде жұмыс іс­­те­дім. Шәмші мені жұмыстан кейін кү­тіп ала­тын. Сол кездегі Пушкин көше­сі­нің бо­й­ында сығанның қыз-келіншек­те­­рі то­лып жүретін. Әрине, адам болған соң бір-екі ауыз сөйлесіп, әңгімелес­кен­­дері бар шығар. Бірақ ғашық болды деп дау­ры­ғудың жөні жоқ. Бұл туралы досы Қа­лаубек Тұрсынқұловтың есте­лі­гінде де жазылған. Ол: «Шәмшіні сы­ған қызымен еріп кетті деген әңгіме – өті­рік. Ал театрдағы қо­йылым – көркем туын­­­ды ғана», – дей­ді. Шәмші өмірден өт­кен соң, оны бес саусақтай бі­ле­мін деп кеуде со­ға­тындар көбейді. Тіпті оны ием­денгісі ке­летіндер де табылмай қал­­ған жоқ. Ай­налып келіп, оның жас ке­­зінде ішім­дік­ке үйір болғанын айта бе­ре­ді. Ал ке­йін­нен 18 жыл бойы ау­зы­на арақ ал­ма­ға­нын бірде-біреуі айтпай­ды...