Шалқан қандай ауруларға ем?
Шалқан көкөнісін түрлі ауруға ем дейді. Қандай ауруларды емдеуге пайдасы бар екенін нақты айтасыздар ма?
Райса Махмұтова, Ақтөбе қаласы
Шалқан – микроб атаулыға қарсы тұра алатын көкөністердің бірі. Оны, негізінен, суық тиіп ауырғанда қолданады. Адамға тұмау тиген жағдайда ортасы ойылған шалқанға бал құйып, ыстық жерде төрт сағат ұстап, қолданған жөн. Дайын шырынды күніне үш рет бір ас қасықтан ішеді. Шалқанның қара түрі қақырықты түсіреді. Ревматизм, радикулитпен сырқаттанғандарға шалқан шырынынан компресс жасауға болады. Ол үшін шикі шалқанды жіңішкелеп турап, қант сеуіп, әр сағат сайын бір ас қасықтап ішу керек. Көмірсуларға, С, В1, В2 дәрумендеріне, калий, кальций, магний, фосфор, темір сияқты заттар мен органикалық қышқылдарға бай көкөніс әсіресе қыс және көктем мезгілдерінде ағзаға өте пайдалы.
