Саяси партияны құру қалай жүзеге асады?

Саяси партияны құру тәртібі қалай жүзеге асырылады? Оны мемлекеттік тіркеуді қай орган атқарады?
Айжан, Алматы облысы
Бұл мәселе «Саяси партиялар туралы» Қазақстан Республикасының 2002 жылғы Заңында қарастырылған. 1. Саяси партия саны бiр мың адамнан кем емес, саяси партияның құрылтай съезiн (конференциясын) шақыратын және облыстардың, pecпубликалық маңызы бар қаланың және астананың үштен екiсінің атынан өкілдiк ететiн Қазақстан Республикасы азаматтары тобының бастамасы бойынша құры­лады. Азаматтар саяси партияның құрылтай съезiне (конференциясына) жеке өзi қатысады. Азаматтардың се­нiм­­хат бойынша саяси партияның құрылтай съезiнде (конфе­рен­ция­сын­да) өкiлдiк етуiне жол берiлмейдi. Сая­си партияның құрылуын, соның iшiнде құрылтай съезiнiң (кон­фе­рен­ция­сы­ның) өткiзiлуiн ұйымдастыруды қар­­­жыландыру осы заң­ның  18-ба­бының талаптарына сәйкес жүзеге асырылады. 2. Азаматтардың саяси партия құру жөнiндегi бас­та­ма­шы тобының электрондық және қағаз жеткiзгiштегi тiзiмдерi тiркеушi орган­ға ол белгiлеген нысан бойынша табыс етiледi. 3. Құрылтай съезiн (кон­ферен­ция­сын) әзiрлеу және өткiзу үшiн құра­мында кемiнде 10 адам бар ұйым­­дастыру комитетi құрылуы мүмкін.
4. Құрылтай съезiнде (конфе­рен­циясында) саяси партияны құру, оның атауы, жарғысы, бағдарламасы туралы шешiмдер қабылданады және оның басшы органдары құрылады. 5. Саяси партия жарғылық қызметiн мем­лекеттiк тiркеуден өткеннен кейiн жүзеге асырады. Саяси партияны мем­лекеттiк тiркеудi Қазақстан Респуб­ликасының Әдiлет министрлiгi жүзеге асы­рады.