СААРК – ең үлкен аймақтық ұйым

Халықаралық қатынастарда аймақтық ұйымдардың рөлі ерекше. Дүниежүзіндегі аймақтық ұйымдардың ішінде ең үлкені қай ұйым?
Болат САҒЫМБЕК, Астана
Ғаламдық үрдістерді реттеуде үлкен рөлге ие бірнеше аймақтық ұйым бар. Десе де, статистикалық мәліметтерге сенсек, аймақтық ұйымдардың ішіндегі ең үлкені – Оңтүстік-Азиялық аймақтық ын­ты­мақтастық ассоциациясы екен. Бұл ұйым­ды халықаралық саясатта СААРК деп те атайды. Ұйымның атауында тұрғандай, бұ­ған оңтүстік Азияның сегіз елі мүше. (Бан­гладеш, Бутан, Мальдив, Непал, Пә­кіс­тан, Үндістан және Шри-Ланка). 2007 жылы өткен СААРК-тің 14-саммитінде Ау­ғанстан қатарға қабылданған. 1985 жылы құ­рылған құрылымның басты мақсаты – се­гіз елдің арасындағы экономикалық-сая­си ынтымақтастықты дамыту. Аймақтық ұйымдардың көш басында тұрған себебі – осы ұйымның территориясында 1,5 млрд халық тұрады. Ұйымның штаб-пәтері Не­пал астанасы Катмандуда орналасқан.