Ресейде қанша мұсылман бар?

Ресей мұсылман әлеміндегі оқиғаларға қатысты жиі ресми пікір білдіріп отырады. Жалпылай алғанда, Ресейдегі мұсылмандардың үлес салмағы қанша?
Нұрболат АСЫЛЖАНҰЛЫ, Тараз
Ресейдің құзырлы орындары бұл туралы нақты мәлімет жоқ дегенді айтады. Соңғы 20 жылда статистикалық органдар бұл туралы ақпарат жинаған жоқ. Соңғы санақ барысында да адам­дар­дың діни сенімі жөнінде сұрақ болмаған. Де­генмен Ресейдегі қоғам­дық пікірді зерттеу орталы­ғының сауалнамалар арқылы анық­талған деректеріне сү­йе­нетін болсақ, Ресей тұрғында­ры­ның жар­­ты­­сынан астамы өзін дінге се­нетін­д­ердің санатына қосады. Ал 31 пайызы Құдай бар дегенге келі­седі. Қалған 6 пайызы атеистік ұс­та­нымды құптайды. Ресей тұрғын­дарының шамамен 67 пайызы – православтық христиан дінін, 10 пайызы – мұсылмандықты, тағы 2 пайызы өзге діндерді ұстанады. Бір­қатар дерек Ресейде 18-20 мил­лионнан астам мұсыл­ман бар дегенді айтады.