Қызметтік виза кімдерге беріледі?

Қазақстанға келушілер үшін қызметтік виза қандай жағдайда беріледі?
Диас Әйіпханов, Алматы
Қызметтік визалар: 1) дипломаттық агент мәртебесіне теңестірілмеген ха­лықаралық ұйымдар паспорттарының иелеріне және халықаралық ұйым­дар­да жұмыс істейтін ұлттық паспорт ие­ле­ріне; 2) ҚР-ға қызметтік істер бойын­ша жіберілген қызметтік паспорт ие­леріне; 3) ресми шетел делегация­ла­рының мүшелеріне және олармен бір­ге  жүретін адамдарға; 4) Қазақстан Рес­публикасында тіркелген халық­ара­лық ұйымдар мен шет мемлекеттер дипломаттық өкілдіктерінің әкімшілік -техникалық және қызмет көрсетуші персоналына, консулдық қызметшілер­ге, шет  мемлекеттердің консулдық меке­мелерінің қызмет көрсетуші персо­на­лына және олардың отбасы мү­ше­ле­ріне; 5) дипломаттық поштаны тасымалдаушы дипломаттық курьер­лер­ге, егер  дипломаттық паспорты жоқ және курьерлік парағы болған жағ­дайда; 6) ҚР-ға Қазақстан Респуб­лика­сының Президенті Әкімшілігінің, ҚР Парламентінің, ҚР Үкіметінің, ҚР Конс­титуциялық Кеңесінің, ҚР Жоғарғы сотының және ҚР Орталық сайлау комиссиясының, ҚР Президентіне тікелей бағынышты және есепті органдардың, ҚР орталық атқару органдарының шақыруымен келетін тұлғаларға; 7) ҚР қызметтік істер бо­­йынша жіберілетін шет мемлекет­тердің әскери қызметшілеріне; 8) ҚР-да тіркелген шетел дипломаттық өкілдіктерінің, консулдық мекеме­ле­рінің және халықаралық ұйым­дар­дың шақыруымен  Қазақстан Рес­публикасына іссапарға жіберіл­ген тұлғаларға; 9) ҚР-да тіркелген және ҚР СІМ басшылығының нұс­қауы негізінде Қазақстан Респуб­ли­касына жіберілетін бұқаралық ақ­парат құралдарының өкілдеріне бе­ріледі.