Қызметкер өз еркімен жұмыстан босағанда қай бапқа сүйену керек?

Қызметкер өз еркімен жұмыстан босаған жағдайда, жұмыс беруші еңбек кодексінің 57-бабына сүйеніп бұйрық шығару керек пе?
Шынар Артықова, Оңтүстік Қазақстан облысы
ҚР Еңбек кодексінің 62-бабына сәй­кес, жұмыс беруші жеке тұлға қайтыс бол­ған (сот қайтыс болды деп ха­бар­ла­ған немесе хабарсыз кетті деп таныған) жағдайда, еңбек шартының тоқтатылуын және үй қызметкерлерімен еңбек шар­ты­ның тоқтатылуын қоспағанда, еңбек шар­тының тоқтатылуы жұмыс берушінің актісімен ресімделеді.
Жұмыс берушінің актісінде осы ко­декс­ке сәйкес еңбек шартын тоқтатудың негізі көрсетілуге тиіс.
Еңбек шартын тоқтатудың негіздері кодекстің 51-бабында көзделгенін на­за­­ры­ңызға саламыз. Осы бапқа сәй­кес олар­ға төмендегідей негіздер жатады:
1) тараптардың келісімі бойынша ең­бек шартын бұзу;
2) еңбек шарты мерзімінің аяқ­та­луы;
3) жұмыс берушінің бастамасы бойын­­ша еңбек шартын бұзу;
4) қызметкердің бастамасы бойынша еңбек шартын бұзу;
5) тараптардың еркінен тыс мән-жай­лар;
6) қызметкердің еңбек қатынастарын жал­ғастырудан бас тартуы.
Осыған орай, қызметкердің жұ­мыс­тан өз еркімен кетуін рәсімдеу кезінде (бұй­рық­та, еңбек кітапшасында) негіз ретін­де ко­дек­стің 51-бабының 4-тар­мақ­шасы көр­се­ті­леді.
Кодекстің 57-бабында еңбек шартын қызметкердің бастамасы бойынша бұзудың тәртібі белгіленген.