Қытайдың ұлттық құрамында өзгерістер жоқ
Қытайдың демографиялық көрсеткіштерінен ұлттық құрамының өзгерістерін байқауға бола ма? Өзге ұлт өкілдерінің өсу қарқыны қалай жүріп жатыр?
Сәбит Арыстанбек, Алматы облысы
Жуырда ғана Қытайда 2010 жылы жүргізілген ұлттық санақтың қорытындысы жарияланған болатын. Сол мәліметтерге сүйенсек, соңғы он жыл барысында ҚХР-дың ұлттық құрамында айтарлықтай өзгерістер байқалмайды. Қытай тұрғындарының 91,51 пайызын ханьдықтар, яғни мемлекет құраушы ұлттың өкілдері. Ал қалған 8,49 пайызын өзге ұлт өкілдері құрайды. Айта кетерлігі, осыдан он жыл бұрын өткізілген санақта да дәл осындай көрсеткіштер болған. Дегенмен Қытайдағы азшылық ұлт өкілдерінің табиғи өсім қарқыны ханьдықтарға(0,11 пайызды құрайды) қарағанда ілгері жатыр (0,67 пайыз). Жалпы, Қытайда 100-ге тарта ұлттың өкілдері бар делінеді. Билік өкілдері оның 56-сын ғана ресми түрде мойындаған.
