Құрғақ қымыз өндіріле ме?

Елімізде құрғақ қымыз өндірілетіні рас па? Осы жайында толық мәлімет берсеңіздер...
Айзада Маратқызы Алматы облысы
Расымен де, жуырда Қызылорда өңірінде жылқы сүтін құрғақ кү­йінде экспорттайтын кәсіпорын ашы­ла­тыны мәлім болды. Облыстық кә­сіп­керлік және өндіріс басқармасы­ның басшысы Серік Сермағанбетовтің ай­туынша, аталмыш жобаның жалпы құны – 300 миллион теңге. Аталмыш кә­сіпорын «30-ға тарта адамды жұ­мыс­пен қамти­мыз» деп отыр. Бір ай­та кетерлігі, құрғақ қы­мызға Еуропа мем­лекеттері, Біріккен Араб Әмір­лік­тері және Қытай, Корея ел­дері қы­зы­ғу­шылық танытуда. «Бұған де­йін Се­мейде жалпы құны 200 мил­лион тең­гені құрайтын құрғақ қымыз кә­­сіп­орны ашылған болатын. Енді құр­ғақ қымыз экспортымен екі бірдей кә­сіп­­орын айналысатын болады» дейді ма­­мандар. Жалпы, ғалымдар қымыздың мик­рофлорасы құрғақ күйінде жақсы сақ­талатынын дәлел­деп отыр. Құрғақ таб­леткалар түрін­дегі қымыз, негізінен, кос­метология, фар­мацевтика, балалар мен диета­лық тағамдарға қолданылады. Бұл өнімді ғарышкерлер, шахтерлер, аль­­пинистер мен жүзушілер де тұтынатын көрінеді.