Құмар ойынға құмартпаңыз

Интернетте онлайн-казино жұмыс істейді деп естідім. Бізде оған рұқсат берілген бе?
Дәния Лесбекова, Орал
Заң бойынша бізде онлайн-ка­зи­ноға тыйым салынған. Соған қа­рамастан, ға­лам­тор арқылы жұрт­ты құмар ойынға тарту әрекеттері то­лас­тар емес. Жуырда офшор­лы ай­мақ саналатын Нидерландтарға тие­сілі Антиль аралдарында тірке­ліп, біздің елімізде жұмысын жүргіз­ген төрт интернет-казиноның сайты жабылды. Экономикалық және сы­бай­лас жемқорлыққа қарсы агент­тігі хабарлағандай, онлайн-казино түрінде­гі құмар ойындар сайтын Батыс Қазақстан об­лысындағы Қар­жы полициясы департа­мен­тінің ақпарат-талдау бөлімінің қызмет­кер­лері интернет желісінде жүргіз­ген мони­торингтің көмегімен әш­кер­елеген.
Бұл сайттарға бұрын кез келген адам кіре беретін. Ал оған кіру үшін жай ғана тіркелу қажет еді. Қаржы банк­тің несие кар­тасы немесе элек­трон­дық төлем жүйесі арқылы ауда­ры­лып отырған. Ақшаны аудар­ған­нан кейін сайтқа кірушілер блэк­джет, рулетка, покер, сондай-ақ ойын ав­то­маттарында ойнауға мүмкіндік алған. Қа­зір әлгі төрт интернет казиноға тосқауыл қойылды. Өзге де күмәнді сайттарды тексе­ру жүріп жатыр.