Қожаберген жырау мүшәйрасы қашан өтеді?

Жақын күндері әйгілі Қожаберген жырауға арналған ақындар мүшәйрасы өтеді деп естіп едім. Бұл байқаудың талап-шарттары қандай?
Алмас Исабай, Алматы облысы
Биыл Солтүстік Қазақстан облыстық мәдениет басқар­масы мен «Жеті жарғы және Қожаберген жырау» халық­аралық қоғамдық қайырымдылық қоры жазба ақындар­дың «Елім-ай!» деп өткен есіл ер!..» атты республикалық жыр мүшайрасын жариялаған болатын.
Қазылар алқасының қарауына үш өлең ұсынылады.Оның біреуі Қожаберген жырау рухына бағышталса, екіншісіне «Елім-ай» дастаны арқау болғаны жөн, үшіншісі – еркін тақырыпта. Шығармалар 2013 жылдың 5 маусы­мына дейін қабылданады. Мүшәйраның ақтық сыны 21 маусым күні Петропавл (Қызылжар) қаласында өтеді.
Бас бәйге (біреу) – автокөлік; бірінші орын (біреу); ек­ін­ші орын (біреу); үшінші орын (екеу); ынталандыру сый­лығы (үшеу).
Жабық бәйге болғандықтан, өлеңдер бүркеншік атпен жол­данады. Автордың аты-жөні, мекенжайы, байланыс те­ле­фоны жазылған парақ кіші конвертке салынып, желім­де­ліп, оның бетіне тек бүркеншік аты ғана жазылады. Үл­кен кон­верттің сыртында жіберушінің ата-жөні деген жер­ге бүр­кен­шік аты жазылады. Бәйгеге қатысуға тілек білдір­гендер өзде­рінің шығармаларын мына мекенжайға жол­даулары керек:
Астана қаласы, 010000.
Достық көшесі, 20 үй, 1704 кеңсе,
«Жеті жарғы және Қожаберген жырау»
Халықаралық қоғамдық қайырымдылық қорына.