Қоссаз деген қандай аспап?

Қоссаз деген қандай аспап? Қос мойын домбыра екеуі бір аспап па?
Шапағат, Алматы қаласы
Қоссаз – шертер мен дом­быраны біріктіріп жасаған бес ішекті шертпелі аспап. Шертердің беті жұқа терімен қапталса, домбыраның беті әдетте жұқа тақтаймен жабылады. Домбыраға екі ішек, шертерге үш ішек та­ғы­лады. Аспаптың қалпына кел­тірілген нұсқасы этнограф О.Хай­мол­диннің сызбасы арқылы жа­салды. Қос саздың дыбыстық жүйесін қалыптап, лайықтаған белгілі музыкашы Б.Қабыланов, алғашқы нұсқаларын жасаған шебер А.Құмаров. Ел ішінде қос саздың «қос домбыра», «қос шанақты домбыра», «қос мойын домбыра» сияқты атаулары сақталған. Атақты композитор, дирижер әрі домбырашы Н.Ті­лен­диевтің «қос домбырада» ойнау мәнері көпке мәлім.