Қорықтардың эмблемалары қандай?

Еліміздегі 10 мемлекеттік табиғи қорықтың эмблемалары қандай? Наурызымдікі ше? Ғаламтордан ақпарат іздеп едім, ештеңе таппадым.
Азамат БАҚТИЯРҰЛЫ, Алматы қаласы
Елімізде барлығы 10 мемлекеттік табиғи қорық бар екені белгілі. Олар: Ақсу-Жабағылы, Алматы, Алакөл, Бар­сакелмес, Батыс Алтай, Қаратау, Қорғалжын, Марқакөл, Наурызым, Үстірт қо­рықтары. Бұларға қоса Ақ­жайық, Торғай, Ертіс орманы сияқты мем­лекеттік қорғауға алынған табиғи ре­зер­ваттар бар. Ақсу-Жабағылы – елі­мізде құрылған алғашқы қо­рық. Ол Оңтүстік Қазақстан мен Жамбыл об­лыстарының аума­ғында ор­на­лас­қан. Тұңғыш қо­рықтың эмблемасы – Грэйг қыз­ғалдағы. Қан қызыл гүл­шелі қыз­ғалдақ қазақ жерінің әсем та­би­ғатының символы іспетті. Нау­ры­зым қорығының эмблемасы – аққу. Алматы қорығы немесе Алтын Емел ұлттық сая­бағының басты нышаны – құлан. Басқа қорықтардың эмблемасы әлі күн­ге дейін бекітілмеген.