Түрік фильмдерінен қолдан сабын қайнатып жатқанын көргенде біздің әжелеріміздің де өздері сабын жасап алатынын айтып отыратыны есіме түсті. Бірақ ол кезде балалық па, соны тәптіштеп сұрап алмаппын. Білетіндер бар ма екен?
Лия БАЙҒАБЫЛОВА, Алматы
Сабын қайнату үшін әуелі иттікен деген шөпті шауып, оны кептіру керек. Ол әбден қурағанша бірнеше күн өтеді. Одан соң оны ашық, тақыр жерге үйіп, өртеп, оның күлін жинап алады. Қазанға су толтырып, оған күлді салып, 5-6 сағат жайлап қайнату керек. Бұл қайнаған суды «сілті» деп атайды. Сілтіні сүзгіден өткізіп, қазанды тазалап жуып алып, әлгі сілтіні қазанға қайтадан құйып, оған бірнеше сүйек салу керек. Тағы біраз қайнатып, сүйектің майы шыққан соң оларды алып тастау қажет. Қазандағы сілті әбден қоюланған соң әркім өз қалауы бойынша әртүрлі формадағы ыдысқа салып қатыруына болады. Сабын қайнату ұзаққа созылатындықтан, ренжімей, бар ықыласымен, көңілді жүріп жасаса, сабын ірімей, сапалы шығады деген наным бар.
Қолдан сабын жасау қиын ба?
Последние статьи автора