Қоғамдық көмекші болсам деп едім

Полицияның қоғамдық көмекшісі болғым келеді. Ғаламтордан қажетті ақпарат іздеген едім. Бірақ мардымды ештеңе таба алмадым. Маған ішкі істер қызметкерлерінің қоғамдық көмекшісі болу үшін қайда хабарласу керектігін және қандай құжаттар талап етілетінін айтсаңыздар. Рақмет.
Айдар СҰЛТАНОВ, Астана қаласы
ҚР Ішкі істер министрлігі маман­да­ры­ның айтуынша, полицияның қоғам­дық көмекшісі болу үшін аумақтық Ішкі істер басқармаларының бастығы атына өтініш жазу керек. Мәселен, Астана қа­ла­сы бойынша Алматы, Сарыарқа және Есіл аудандық ІІБ басшысы атына. Талап етілетін құжаттар: жеке куәліктің кө­шір­ме­сі, СТН, сотты болған-болмағаны жө­нін­дегі анықтама, медициналық-әлеу­меттік сауықтыру орталығында және психиатриялық диспансерде тек­се­ріс­тен өткені жөніндегі анықтама, сонымен бірге, 3х4 өлшеміндегі екі фотосурет.