Қазақта қанша тазы қалды?

Жалпы, қазақтың тазы тұқымын қаншаға бөліп қарастыруға болады? Ал тап бүгін қазақта қанша тазы қалды?
Мағжан АЙТБАЕВ, Талдықорған қаласы
Әлемдегі 400-ге жуық ит тұқы­мы­ның қазір тек 300-і ғана халық­ара­лық мәртебе алған, бірақ, өкі­ніш­ке қарай, оның ішінде әзірге қа­зақ та­зы­сы жоқ болса керек. Бұл ту­ра­лы кеше Ал­ма­тыда тарих ғылы­мы­ның докторы, профессор Ахмет Тоқта­бай­дың «Қазақ тазысы» кіта­бы­ның та­ныстырылымында айтыл­ды.  
Қазақ ұғымындағы жеті қазына­­ның бірі – қазақ тазысына ар­нал­ған бұл тұңғыш ең­бек деуге бо­ла­ды. Міне, осы кітапта сіздің сұ­ра­ғыңызға толық жауап бар. Яғни онда автор Шоқан Уәлиханов атын­дағы Тарих және этно­логия институ­тының жетекші ғылыми қызмет­кері Ахмет Тоқтабай бүгінгі таңда еліміз­де таза қанды 130 шақты қазақ та­зы­сы қал­ғанын айта­ды. Ал, жалпы, қазақ та­зы­сының қазір бес түрі бар. Олар: «Жетісу тазысы», «Арқаның ақса­қалы», «Шығыстың көкқас­қа­сы», «Кас­пийдің жар­ғаққұлағы», «Түркіс­тан­ның тазысы».