Қазақстанның ең ірі сауда-экономикалық әріптесі – Ресей

Қазіргі кезде еліміздің ең басты сауда-экономикалық әріптесі қай елдер? Бізде қай елдердің өкілдіктерінің үлесі көп?
Гауһар, Жамбыл облысы
ҚР Статистика агенттігінің мәлі­меті бойынша, Қазақстан эконо­микасындағы шетел мемлекеттерінің арасында Ресей фирмаларының үлес салмағы көп. Елімізде Қазақ­станда Ресей елінің 9003 өкілдігі, филиалдары және заңды тұлғалары тіркелген екен. Бауырлас ел – Түр­киямен алыс-берісіміз жоғары. Қазақстанда 3899 түркиялық кәсіп­орын жұмыс істеп жатыр. Көрші Қытай фирмаларының қарасы мол, елімізде 2778 қытайлық кәсіпорын тіркелген. Төртінші және бесінші сатыдағы Өзбекстанның – 1849 және Германияның 1236 ком­пания­лары Қазақстанда табыс тауып отыр. Алпауыт АҚШ алтыншы орында келеді. Қазақстандағы америкалық кәсіпорынның саны – 1144. Соны­мен қатар, елімізде Нидерланды, Кипр, Швейцария, КХДР, Италия секілді елдердің жүздеген фир­малары жұмыс істеуде.