Қазақстанда білікті инженер-кадрлар дайындалады
Бізде инженер, басқа да техника саласының кадрлары дайындалғанымен, олар баратын өндіріс орындары жоқ. 
Жалпы, болашақта осындай кадрларды жетілдіру үшін сыртқа тәжірибеге жіберу көзделген бе?
Талғат Түрікменбаев, Оңтүстік Қазақстан облысы
«Болашақ» бағдарламасы бойынша аталған мамандар шетелде оқып жатқанын, көбісінің Отанына оралғанын айта кетелік. Дегенмен сол бағдарламамен оқушылардың кейбірі шетелде қалып қояды. Өйткені олар мұны «біз алған білім Қазақстанға жарамайды, еліміздегі өндірісте соңғы техника мен технологиялардың қолданысы шектеулі» деп түсіндіреді. Сондықтан Қазақстан соңғы кездері индустриалды-инновациялық бағдарлама мен жобаларды жүзеге асыруда осы олқылықты жоюға тырысып жатыр. Қазір мемлекетіміздің өңірлерінде осы жоба бойынша өндіріс орындары іске қосыла бастады. Сондай-ақ инженерия, технология, менеджмент саласында Азия мен Тынық мұхит аймағындағы ең үздік Бангкоктың Азия технология институты келесі жылы Қазақстанда филиалын ашқалы жатқанын да айта кетелік. Ол өз кезегінде сіз айтып отырған кемшілікті жоюда үлкен рөл атқаратындығына сенімдіміз.
