Мен өзім мультфильмді жақсы көремін. Балаларыма да ұнайды. Өкініштісі, кабельдік телеарналардан берілетін шетелдік мультфильдерді ғана көріп жүр. Ал осы ең алғашқы қазақ мультфильмі қандай және қашан жарық көрген?
Алмат СӘРСЕНОВ, Қарағанды қаласы
Қазақстандық анимацияның жарыққа шыққанына биыл 42 жыл толады. Кенжелеп дамып жатса да, осы уақытқа дейін жүзден аса мультфильмдер жасалды. 1967 жылдың күзінде қазақ анимациясының атасы Әмен Қайдаровтың халық ертегісі негізінде жасаған «Қарлығаштың құйрығы неге айыр?» деген алғашқы суретті мультфильмі дүниеге келді. Одан кейін «Ақсақ құлан», «Құйыршық», «Қожанасыр-сәулетші», «Қырық өтірік» фильмдері экранға шыға бастады. Ал былтырғы жылы жоғарыдағыдай 20 классикалық мультфильмнің қазақ, орыс, ағылшын тілінде жасалған DVD форматындағы нұсқасының тұсауы кесілді. Алдағы уақытта Қазақстан аниматорлары 8 мультфильмді бітіруді және 68 мультфильмді жаңа қалыпқа келтіруді жоспарлап отыр.
Қазақша мультфильм көргім келеді
Последние статьи автора