Қасым ханның жарғысы әдет-ғұрыпқа негізделіп жасалған

Қасым ханның қасқа жолында қандай ережелер қамтылғанын жазсаңыздар екен. Қасымның заңдары қазақтың әдет-ғұрыптық дәстүрімен астасып кеткен деген пікір негізді ме?
Гүлдана, Семей қаласы
Қасым хан билік құрған соң, қазақ халқының этникалық аума­ғын кеңейту барысында біраз қа­дам­дар жасады. Ол бұл жолда әдет-ғұрыптық заңдарға арқа сү­йеді. Тіпті шариғат қағидасын мы­ғым ұстанған отырықшы аудандар да Қасым ханның қол астына өткен соң, әдет-ғұрыпқа сүйенген қа­зы­лық биліктерге жүгіне бастады. Осылайша Қасым хан бұқараға Құ­ран талаптарына қайшы келмейтін, қа­зақи ғұрып ерекшеліктерін сақ­тайтын заң ұсына білді. Мысалы, осы арқылы хан жеті атаға дейін үй­ленбеу, әмеңгерлік, құдалық жол-жоралар, қазылық билік т.б. се­кілді салаларда жетістікке жетті. Бұл заңға енген ережелер мыналар: мүлік заңы (жер дауы, мал-мүлік дауы); қылмыс заңы (кісі өлтіру, та­лау, шапқыншылық жасау, ұрлық қы­лу); әскери заң (аламан міндеті, қосын жасақтау, қара қазан, ердің құны, тұлпар ат); елшілік жоралары (майталман шешендік, халық­ара­лық қарым-қатынастағы сы­па­йы­лық, әдептілік, ибалылық); жұрт­шы­лық заңы (шүлен тарту, ас, той, мереке, думан үстіндегі ережелер, ат жарыс, бәйге ережелері, жаса­уыл, бекеуіл, тұтқауыл міндеттері. Бұл жарғы халық арасында ілти­пат­пен «Қасым ханның қасқа жо­лы» деп аталып кетті.