Қанша мұрамыз ЮНЕСКО-ның тізіміне еніп отыр?
ЮНЕСКО-ның бүкіләлемдік мұрасы тізіміне Қазақстан аумағындағы қандай тарихи-мәдени ескерткіштер енген?
Жанар ЕРСАМАТОВА, Алматы қаласы
ЮНЕСКО-ның бүкіләлемдік мұрасы тізіміне Қазақстан Республикасы аумағындағы үш нысан енген. Олар: Қожа Ахмет Ясауи кесенесі, Тамғалы петроглиф тас кешені және Сарыарқа – Солтүстік Қазақстан көлдері мен жазықтары. Алғашқы екеуі мәдениет ескерткіші ретінде, соңғысы табиғат кереметі ретінде енгізілді. Ең алғаш 2003 жылы Қожа Ахмет Ясауи кесенесі ЮНЕСКО мұрасы деп танылды. Бүкіләлемдік мұралар тізіміне енуге әлі 12 нысан үміткер ретінде тіркелген. Сарапшылар бұлардың тиісті құжаттары мен өзіндік ерекшеліктерін тексеретін болады. Бұл нысандардың қатарында Меркі түркі ғибадатханасы, Беғазы-Дәндібай мәдениет кесенесі, Тасмола мәдениетінің тас қорғандары, Ешкіөлмес пен Арпаөзен петроглифтері, Отырар археологиялық нысаны, Ұлытау мәдени ландшафтысы, Іле Алатауы, Алтынемел ұлттық саябағы мен Ақсу-Жабағылы қорығы бар.
