Қандай жеміс-жидектер мырышқа бай?

Дәрігерлер құрамында мырышы бар тағамдарды қолдануға кеңес берді. Бұлар, негізінен, ұн, нан өнімдері. Ал мен жеміс-жидек жегім келеді. Құрамында мырышы бар жемістер бола ма?
Жайнагүл Еркінова, Ақмола облысы
Медициналық ғылыми еңбектердің мәліметінше, құрамында мырышы бар көкөністер мен жеміс-жидектерді және олардан алынатын өнімдерді мына кестеден білуге болады:
(1 келі деп өлшегенде):
– алма, апельсин, лимон, інжір, грейпфрут, минералды су – 0,25 мг;
– бал – 0,31 мг;
– бүлдірген, қарақат, құрма, қияр, қызанақ, тазартылған күріш – 2-8 мг;
– бидай, тары, ашытқы, пияз, сарымсақ, тазартылмаған күріш – 8-20 мг;
– сұлы және арпа ұны, какао, жаңғақ, асбұршақ, жасымық, көк шай, құрғақ ашытқы – 20-50 мг;
– бидай жармасы, асқабақ пен күнбағыс шекілдеуігі – 130-202 мг.