Қандай сыбызғы күйлері бар?

Бізде ежелден келе жатқан қандай сыбызғы күйлері бар? Қазақта қандай мықты сыбызғышылар болған?
Талғат, Алматы облысы
Музыкатанушылардың айтуынша, қа­зақ­тың бағдарламалық сюжетке құрыл­ған «Бұл­бұл», «Нар идірген», «Боз інген», «Ақ­сақ құлан», «Салауат», «Бәтимә», «Мұңды қыз», «Кең жайлау», «Жоқтау», «Той бас­тар», «Аңшының зары», «Кеңес» тағы басқа да күй­лері қазақ халқының тарихы мен өмі­рі­мен тығыз байланысты. Халық арасын­да Са­быр, Сармалай, Са­дық, Макар, Шерубай, Сү­леймен, Ы.Уә­лиев, О.Қожабергенов, Ш. Ауғанбаев се­кіл­ді көптеген атақты сыбызғы­шылардың есімдері белгілі. Көбінесе сы­быз­ғы күй­лері октава көлемінде, сазды болып ке­леді. Қазақстанның әр жерінде сы­быз­ғының жасалуында, күйлерінде көп­теген ерекшеліктер бар. Мысалы, Шығыс Қа­зақ­станда сыбызғы үш ойықты, Батыс Қа­зақ­станда төрт ойықты түрінде кездеседі. Шы­ғыс Қазақстанның күйлері халық әнде­рінің мақамына жақынырақ болып келеді. Аспаптың жойылып бара жатуы себепті қа­зіргі таңда сыбызғы күйлерінің де көбі ұмы­тыла бастады. Сыбызғы күй­лерін кейбір дом­бы­рашылар да шебер орындайды.