Қандай өтініштер қарауға жатпайды?
Азаматтар тарапынан мемлекеттік органдарға, құзырлы мекемелерге жолданатын қандай өтініштер қарауға жатпайды? Жазбаша өтінішке қойылатын талаптар қандай?
Ерік, Талдықорған
«Жеке және заңды тұлғалардың өтiнiштерiн қарау тәртiбi туралы» Заңының 5-бабы бойынша қарауға жатпайтын өтініштер: 1) мұндай өтiнiште дайындалып жатқан немесе жасалған қылмыстар туралы не мемлекеттiк, немесе қоғамдық қауiпсiздiкке төнетiн қауiп туралы мәлiметтер бар және мемлекеттiк органдардың құзыреттерiне сәйкес, оларға дереу жiберiлуге тиiс жағдайларды қоспағанда, иесi бүркемеленген өтiнiш; 2) мәселенiң мәнi баяндалмаған өтiнiш. 2. Егер өтiнiштi қараусыз қалдыруға негiз болған жағдайлар кейiннен жойылса, субъект немесе лауазымды тұлға аталған өтiнiштi қайта қарауға мiндеттi. Ал жазбаша өтiнiшке қойылатын талаптар: 1. Өтiнiш құзыретiне өтiнiште қойылған мәселелердi шешу кiретiн субъектiге немесе лауазымды тұлғаға жiберiлуге тиiс. 2. Жеке тұлғаның өтiнiшiнде оның тегi, аты, сондай-ақ қалауы бойынша әкесiнiң аты, пошталық мекенжайы, заңды тұлғаның өтiнiшiнде – оның атауы, пошталық мекенжайы, шығыс нөмiрi мен күнi көрсетiледi. Өтiнiшке арыз иесi қол қоюы не ол электрондық цифрлық қолтаңбамен куәландырылуға тиiс. Шағым жасалған кезде iс-әрекетiне шағым жасалып отырған субъектiнiң атауы немесе лауазымды тұлғалардың лауазымы, тегi және аты-жөнi, өтiнiш жасау себептерi мен талаптары көрсетiледi. 3. Субъектiге тiкелей жазбаша өтiнiш жасаған арыз берушiге тiркелген күнi мен уақыты, өтiнiштi қабылдаған адамның тегi мен аты-жөнi көрсетiлген талон берiледi.
