Қаламгердің қандай ірі шығармалары бар?

Кәкімжан Қазыбаев есімі қалың жұртшылыққа жазушы, аудармашы, көсемсөз шебері ретінде де кеңінен танымал. Осы ретте, қаламгердің әдебиет пен публицистика жанрын­да­ғы ірі шығармалары, үлкен еңбегі туралы жазсаңыздар екен?
Ағайша БЕКСҰЛТАН, Есік қаласы
К.Қазыбаевтың қаламынан туған көптеген мақалалар мен очерктер, көркем әдеби және публицистикалық туындылар, «Кер­неген кек», «Құпия», «Ыз­ғар», «Сұрапыл», «Октябрь өрен­де­рі», «Ақиқатқа ар серік», «Ама­нат», «Қышыма» атты романдары мен повестері оқырман қауым мен сыншылардан жоғары ба­ғасын алған. Ол сондай-ақ орыс тілінде «Изморозь», «Наказ», «Со­ветский Казахстан» және «Қа­ра сел» атты үш актілі пьеса жаз­ған. Қаламгер жайында «Көзден кетіп, көңілде қалған», «Азамат еді еңселі» деген атпен естелік кітап­тар шыққан.
Кәкімжан Қазыбаев туралы әңгіме қозғалғанда, ең бірінші, ол кісінің Бауыржан Момыш­ұлы­нан тәлім-тәрбие алғандығы, Рейхс­тагқа жеңіс туын тіккен ба­тыр Рақымжан Қошқарбаев жай­лы бірінші болып очерк жазып, Халық Қаһарманы атағын ие­ленуіне ықпал еткендігі ойға оралады. Мұның сыртында, қазақ журналистикасының корифейі атанған Кәкімжан Қазыбаев – ұлт жу­рналистерінің көптеген өкіл­дерін тәрбиелеген ұлағатты ұс­таз.