Қай қаланың халқы көп?

Тұрғын халқының саны бойынша көшбасшы қалалар жайлы сұрағым келеді. Естуімше, Мексика астанасы алғашқы орында көрінеді. Өзге қалалар жайлы мәліметтерден хабарым жоқ. Осы туралы жан-жақты жазып берсеңіздер.
Гүлмира Мейрамбекқызы, Астана

Иә, дұрыс айтасыз, әлем қалаларының ішін­де Мехикода (18 млн 841 мың 916) ең көп халық тұрады. Ендеше халқы көп алғашқы он қала туралы айтайық. Екінші сатыда Қы­тайдың Шанхай шаһары. Онда 18 млн 492 мың 800 адам тұрады. Үштікті Пәкістанның Ка­рачи (18 млн 140 мың 600) қаласы қоры­тын­дылап тұр. Әлемнің ең үлкен қаласы Токионы қазір­гі күні 18 млн 742 мың 995 тұрғын ме­кендейді екен. Бесінші сатыда Түркияның Ыс­тамбұл (16 млн 767 мың) қаласы болса, одан кейін Үндістанның бұрынғы Бомбей, қазіргі Мум­баи шаһары 13 млн 922 мың 125 адаммен орналасқан екен. Жетінші орын Буэнос-Айрес (13 млн 356 мың 715). Бангладештің Дакка қа­ласы (12 млн 725 мың) сегізінші, Филип­пин­нің Манила қаласы (12 млн 285 мың) тоғызыншы орында тұр. Ондықты Дели ша­һары қорытындылапты. Үндістан астанасында 11 млн 954 мың 217 адам тіркелген екен.