Қай мемлекеттердің туризмі қарқынды дамыған?

Туризм саласын қарқынды дамытқан мемлекеттер жайлы білгім келеді.
Кемел, Тараз қаласы
БҰҰ жанындағы Бүкіләлемдік туризм ұйы­мының мәліметіне сүйенсек, әлем бо­йын­ша туристер ең көп келетін ел – Фран­ция Республикасы. Халқының саны 66 мил­лионды құрайтын Францияны жыл са­йын орта есеппен әлемнің әр бұры­шынан 83 миллион адам тамашалауға ке­леді. Ал екінші орында жылына 67 мил­лион туристі қабылдауға қауқарлы АҚШ мем­лекеті тұр. Үшінші және төртінші орын­дар­ды Испания мен Қытай бөліскен. Бұл ел­дерде орташа есеппен 57,7 мил­лион адам демалады екен. Ал бестікті Ита­лия мем­лекеті 46,4 миллион туриспен қо­р­ы­тын­дылап тұр. Ал жекелеген қалалар бо­й­ын­ша ең көп турист келетін қала – Банг­кок. Бұл қала жылына 15,98 млн қо­нақ­­ты күте алады. Десе де, мамандар биылғы жылы біріншілік Лондон қаласына бұ­йыруы мүмкін екенін айтады. Өйткені Лон­дон осы жылдың алғашқы жарты­сын­да келушілер санын 8 миллионға жеткізген. Бұл көрсет­кіш жыл аяғына дейін екі есе­лен­се, Лон­дон­ның айы оңынан тууы әбден мүмкін.