«Қабуснаманы» жазған кім?

Кейбір мақалаларда «Қабуснама» деген еңбектен үзінді келтіріп жатады. Ол қандай еңбек? Оны кім, қашан жазған?
Әйгерім АЙДАРХАНҚЫЗЫ, Астана
«Қабуснама» – 1082-83 жылдары жа­зылған аса бағалы педагогикалық мәні бар туынды. Авторы – Кейқауыс. Каспий те­ңізінің оңтүстік жағалауын мекендейтін Гилан ру-тайпасының ұсақ феодал отба­сын­да (1021-1022 жылдарда) дүниеге ке­леді. Кайқауыс өз заманының көп жағ­дайы­нан хабары бар зиялылардан еді. «Қабуснама» – өзінің ұлы Гилан шахқа ар­нап жазған дидактикалық жанрдағы шы­ғарма. Музыка және табиғаттану ілімі­не ғана емес, көптеген ғылымдардан білім­дар болғаны оның «Қабуснама» шы­ғар­масынан көрінеді. Бала тәрбиесіне, оның мінез-құлық, этика мәселелеріне сон­шалықты көңіл бөлген. «Қабуснама» – тәлім-тәрбиелік мәні жағынан ХІ ғасыр­да­ғы шығыс педагогикасы тарихындағы аса құн­ды шығарма. Неміс, француз, орыс, та­тар, түрік, парсы, тәжік, қазақ және бас­қа да әлем елдерінің көптеген тілдеріне ау­да­рылған еңбек өнегелілік мазмұнымен құнды. Біздің елімізде қазіргі кезде Кай­қауыс­тың ілімі педагогикалық оқу орын­да­рында оқытыла бастады.