Пуэрто-Рико АҚШ-тың 51-штаты бола ма?

Пуэрто-Рико елі Америка Құрама Штаттарының 51-штаты болуға ниетті деседі. Сол рас па?
Айман, Талдықорған
Пуэрто-Рико тұрғындары АҚШ-қа қатысты өздерінің мәртебесін өзгертіп, Американың 51-штаты болуға мүддлеі болып отыр. Бұл үшін Пуэрто-Рикода рефе­рен­дум өткізіліп, екі маңызды мәселе тал­қыға түсті: архипелагтің саяси мәртебесі мен оның жаңа саяси құрылымын айқын­дау. Бірінші мәселе бойынша сайлау­шы­лардың 54 пайызы АҚШ-қа қатысты мәртебесін түбегейлі өзгертуді жақтады. Ал саяси құрылымды өзгертуге байланысты Пуэрто-Рико сайлаушыларының 61 пайы­зы АҚШ-тың 51-штаты болуды қолдап дауыс берген. Архипелаг тұрғындарының 33 пайызы АҚШ-пен ассоциативті егеменді одақта қалуды құп көрсе, 5 пайызы толық тәуелсіздікке қол жеткізуді аңсайды екен. 1898 жылы АҚШ-қа еркін ассоциативті мемлекет ретінде қосылған Пуэрто-Рико­ның АҚШ-пен қарым-қатынасына қатысты кез-келген өзгерістер Конгрестің мақұл­дауы­мен жасалады. Пуэрто-Риконың АҚШ-тың өз-өзін басқаратын аймағы деген мәртебесі бар, ал тұрғындары – АҚШ азаматтары. Бірақ АҚШ-тағы сайлау­лар­ға қатыса алмайды.