Парламентер деген кім?

Осы парламентер деген тұлға Парламент депутаты ма, әлде басқалай іспен айналысатын адам ба?
Медет Андаев, Алматы облысы
Парламентер – француз тілінен ау­­дар­ғанда рагіеmentaire – соғыс немесе қақтығыс жағдайында бір-біріне қарама-қарсы күштердің бірі­нің келіс­сөз жүргізуге өкілетті тұлғасы. Халы­қ­ара­лық құқықтық және дәс­түрлі ере­желерге сай, парламентер тұлғасы ерек­ше пұрсатты жағдайға ие, оған ешкім­нің тиісуге құқы жоқ. Батыстық тәжі­рибеде парламентерді соққыға жы­ғып немесе өлтіру аса ауыр қылмыс болып есептеледі.
Тарихта парламентер ақ ту ұстап, қасы­на кернейші, барабан соғушы, аудар­машыны ертіп жүр­ген. Пар­ла­мен­тер мен оның серіктеріне өз миссиясы кезінде қол сұғыл­мау­шылық им­му­нитеті бе­рілген. Парламентер мен оның серік­терінің мәртебесі 1907 жылы 18 қазан­дағы 4-Гаага кон­вен­циясының «Соғыс заңдары мен дәс­түрлері» деген бө­лімінде көр­сетілген.