Пайдаланылмаған еңбек демалысы күндері үшін өтемақы төлене ме?

Мен балабақшада есепші болып жұмыс істеймін. Қазір ақылы еңбек дем­алы­сына шығып, еңбек демалыс ақымды алдым. Арадан төрт күн өткенде жұ­мыс­қа шақыртты. Мен өз келісімім бойынша жұмысқа қайта шықтым. Менің білгім келгені – пайдаланылмаған еңбек демалысы күндері үшін өтемақы төлене ме?
Ақайша АЙДАРБЕКОВА, Жамбыл облысы
Еңбекті нормалау және еңбекке ақы төлеу басқармасының сарапшы мама­нының мәлі­ме­тінше, Қазақстан Рес­пуб­ликасы Ең­бек ко­дек­­сінің 109-бабына сәйкес, жұмыс бе­рушi жыл сайынғы ақылы еңбек дем­алы­с­ын тек қыз­­меткердің жаз­ба­ша келісімімен ғана үзуі мүм­­кін. Қыз­мет­кердiң жұмыс бе­ру­шiнiң ұсы­ны­­сынан бас тартуы еңбек тәртiбiн бұзу бо­лып табыл­май­ды.
Жыл сайынғы ақылы еңбек дем­алы­сы­нан шақыртып алуға байланысты пай­да­ла­ныл­маған бөлiгi еңбек шарты тараптарының келiсiмi бойынша ағымдағы жыл iшiнде не­ме­се келесi жұмыс жылында кез келген уа­қыт­та берiледi не келесi жұмыс жы­лын­да­ғы жыл сайынғы ақылы еңбек дем­алы­сы­на қосылады.
Қызметкердi жыл сайынғы ақылы еңбек демалысынан шақыртып алған кезде дем­алыс­тың пайдаланылмаған бөлiгiн басқа уа­қытта берудiң орнына қызметкер мен жұмыс берушiнiң арасындағы келiсiм бойын­ша қызметкерге жыл сайынғы ақылы еңбек дем­алысының пайдаланылмаған бөлiгiнiң күн­дерi үшiн өтемақы төлемi жүр­гiзiлуi мүм­кiн.
Бұл ретте, егер сіз жыл сайынғы ақылы ең­бек демалысы кезеңіне сақталатын орташа жалақыны толық (еңбек дем­алы­сы­ның бар­лық күндеріне) алған жағ­дайы­ңыз­да аталған өтем­ақы төлемi жүргi­зiл­мей­ді.