Отбасын құрғаным үшін материалдық көмек көрсетіле ме?

Мен №1 өнер мектебінде қызмет атқарамын. Жақында тұрмысқа шықтым. Осыған байланысты жұмыс орнымнан маған материалдық көмек көрсетілу керек пе?
Гауһар БОЛАТҚЫЗЫ, Алматы
Егер еңбек, ұжымдық келісім­шарт­тарда, жұмыс берушілер актінде отбасын құрғаны үшін қаржылай кө­мектесу мәселесі қарастырылса, онда сізге материалдық қолдау көрсетілуі тиіс. Егер мекеменің жоғарыда аталған құжат­тарында мұндай мәселе ескерілмесе, онда материалдық көмек жасалмайды. Егер мемлекеттік мекемелердің еңбек, және ұжымдық келісімшарттарында, жұмыс беруші актінде шаңырақ көтер­гендерді қолдау туралы жазылса, жас отбасыларға демеу жасалады. Өйткені өкілетті органдар мен ұйымдар тарапынан айлық жа­лақысына үстеме қосу, ма­териалдық көмек көрсету бюджеттік бағдар­ла­маларды қаржыландыру жоспарында қарас­тырылған.