Отандық туризм саласы Германияны қуып жетті

Қырғыз елінің ауыр ахуалы, әлемнің әр түкпіріндегі саяси тұрақсыздық біздің еліміздің туризм саласының дамуына ықпал ете алды ма?
Мерхат, Көкшетау қаласы
2010 жылдың қорытындысы бойынша туризм саласының елі­міз­дің жалпы ішкі өніміне қосқан үлесі 1,8 пайызды құ­рап, Қырғыз Рес­публикасы және Германиямен те­ңеліп қа­лыппыз. Әрине, ол – жақ­сы көр­сеткіш. Оның белгілі бір дең­­гей­де әлемдегі тұрақ­сыз­дық­тар­мен де байланысы болуы ық­тимал. Деген­мен соң­ғы кездері отан­дық туризмді дамытуға мем­ле­кеттік деңгейде де қолдау көр­се­ті­ліп жат­қанын естен шығар­ма­лық.
Егер 2000 жылы отандық ту­ризм­нің жалпы ішкі өнімге қосқан үлесі 0,02 пайыз болса, 2010 жы­лы ол 1,8 пайызға ай­­тар­­лықтай өс­кен. Өткен жылғы Қырғыз елінің көр­сеткіші де біздің елмен ша­малас, ал Ре­сейдің қонақ­жай­лылығы эко­но­микасының жал­пы табы­сының 1,4 пайы­зын, Германия 1,6 пайы­зын құраған екен. Осы жағынан са­лыс­тырмалы түрде алғанда, біздің 1,8 пайызымыз – мақ­та­нарлық көр­сеткіш.
Ал Австрияның (4%), Түркия­ның (4,2%) және Қы­тайдың (2,4%) көрсет­кіштері жанында Қазақ­стан­ның ту­ризм саласына аз дамыған де­ген баға берілері сөзсіз.