Өртке қарсы дабыл жүйесі қалай орнатылады?

Өндіріс орындарында жұмысшыларға жатын орын ретінде берілетін вагондарға өрт дабылын орнатуға бола ма?
Алмас, Алматы облысы
ҚР Төтенше жағдайлар министрлігі мамандарының мәліметінше, «Ғимарат­тарды, бөлмелерді және құрылыстарды өртке қарсы автоматты дабыл жүйесі­мен, автоматты өрт сөндіру құрылғы­сымен жабдықтау және адамдарды өрт туралы құлақтандыру нормалары» ере­жесіне сәйкес, өртке қарсы автоматты дабыл жүйесін тұрғын үйлер мен жеңіл металл құрастырмалардан тұратын, полимер жылытқышы бар жылжымалы типтегі жатақханаларға орнатуға бола­ды. Орнатылатын өртке қарсы дабыл жүйесінің түрін жобалаушы ұйым таңдайды. Автоматты дабыл жүйесі ҚР аумағында қолдануға рұқсат етілген стандарттар бойынша өндіріс орнының технологиялық процесін, нысанның құ­рылыс ерекшелігін, басқа да жағдайла­рын ескере отырып орнатылуы тиіс.