Оралхан Бөкей туындыларын театр мен теледидардан көруге бола ма?

Оралхан Бөкей шығармалары әлемнің қанша тіліне аударылған? Және олардың арасында киноға және пьесаға айналғандары бар ма?
Дәулет ҚАНАТБАЕВ, Астана қаласы
Есімі тек Қазақ еліне емес, әлемге әйгілі жазу­шы Оралхан Бөкейдің шығармалары дү­ние­жүзінің орыс, ағылшын, француз, неміс, жа­пон, араб, қы­тай және басқа да ұлы халық­тар тілдеріне ауда­рыл­ған. Атап айтқанда, «След мол­нии», Молодая гвардия, М, 1978; «Поющие барханы», Советский писатель, М, 1981; «Ча­ғыл­ған», Қырғызстан, Фр., 1981; «След мол­нии», Христо Данов, Болгария, 1981; «Кер­бұғы», Эстония, 1981; «Крик», Совет­ский пи­са­тель, М, 1984; «Үркер ауып барады», Фольк Унд Вельт, Берлин, 1982.
Ал енді экранизацияланған туындыларына тоқталсақ, қайталанбас қаламгер туындылары бо­йынша, «Кісікиік» (1985, режиссері М.Сма­­ғұлов), «Сайтан көпір» (1986, режиссері Д.Ма­на­баев) көркем фильмдері және «Кер­бұғы» (1986, балетмейстер Б.Аюханов) ба­леті қо­йыл­ды. Сон­дай-ақ «Құлыным менің» (1974), «Текетірес» (1976), «Қар қызы» (1982), «Зы­мы­райды пойыз­дар» (1984), «Мен сіз­ден қор­қа­мын» (1987) пье­салары қазақ жә­не орыс тіл­де­рінде рес­пуб­ли­ка­лық, облыстық, сон­дай-ақ бұ­рынғы одақ­тас республикалар театрла­рын­да қо­йылған.