Өнеркәсіп қауіпсіздігі ережесін бұзғанға қандай шара қолданылады?

Жұмысшы өнеркәсіп нысанында лифтінің бұзылуына жол берді. Бірақ бұдан адамдар зардап шеккен жоқ. Мұндай жағдайда өнеркәсіп нысанындағы қауіпсіздік ережесін өрескел бұзғаны үшін оған қандай шара қолданылады?
Ерлан РАХМЕТУЛЛИН, Жамбыл облысы
ҚР Төтенше жағдайлар министрлігі мамандарының хабарлауынша, өнер­кәсіптік қауіпсіздік ережелері бұзылған жағдайда тәртіптік, әкімшілік және қылмыстық жауапкершілік қарасты­рылған. Заң бойынша эскалаторлар, жеделсатылар, жүк көтеру механизм­дері мен фуникулерлер қауіпті өндіріс­тік нысандар саналады. ҚР « Әкімшілік құқық бұзушылық туралы» Кодексінің 221-бабына сәйкес, егер өнеркәсіп, кен игеру және құрылыс салаларында немесе төтенше жағдайлар саласының өкілетті органына қарасты нысандарда белгіленген қауіпсіздік ережелерін бұзған кезде адам денсаулығына нұқсан келмесе, әкімшілік жаза қолданылады. Жеке тұлғаларға – 10, лауазымды тұлғалар мен жеке кәсіпкерлерге және шағын және орта бизнес саналатын заң­ды тұлғаларға 10-25 айлық есеп­тік көрсеткіш көлемінде, ал ірі кә­сіп­керлік нысаны саналатын заң­ды тұлғаларға 60-100 айлық есептік көрсеткіш көлемінде айып­­пұл са­лы­нады.