Нотариус тарифі төмендеді

Өткенде бір құжатты куәландыру үшін нотариусқа бардым. Бір парақ үшін 500 теңгедей төледім. Жеке нотариустың қызметі неліктен осынша қымбат? Қандай да бір жеңілдіктер бар ма?
Жұмагүл АСҚАРОВА
Биылдан бастап елімізде жеке но­та­риус­тың қызмет тарифі едәуір тө­мен­дей­ді. Алдағы 16 қаңтарда күшіне ене­­тін «Нотариат туралы» заң­ға ен­гі­зілген тү­зетулер жеке нота­риус­тарға төленетін ақыны да қа­рас­тырады.
Айталық, Ұлы Отан соғысына қа­тыс­­қан­дар және оларға теңдестірілген тұл­­ға­лар, 1 және 2-топтағы мүге­дек­тер, сон­дай-ақ бала жастан мүгедек деп тір­кел­ген жанның ата-анасының біреуі, «Батыр ана» атағын иемденген, «Алтын алқамен» және «Күміс алқа­мен» мара­пат­тал­ған көп балалы ана­лар, со­зылмалы жүйке ауруына шал­дық­­қан­дар, осы тү­зе­тулерге сәйкес, тегін но­­та­риалдық қызметке қол жет­кі­зе­ді.
Одан басқа зейнеткерлер жеке но­тариусқа мемлекеттік баж көлеміне сәй­кес тарифтермен төлейді, бұл қа­зіргі ба­ғаға қарағанда төмен. Мәсе­лен, се­­нім­хатты куәландырғаны үшін зейнеткер – 162 теңге (Астанада қазір ол үшін 336 тең­ге де төлейді), құ­жат­тың бір парақ кө­шір­месі үшін – 81 теңге (281 Т), мұра­гер­лікке куәлік алу үшін 1618 теңге (16180 Т) төлейтін бола­ды. Но­та­риалдық куә­лан­ды­руға жат­қы­­зы­ла­тын құжатты өздері дайындап әкел­гендер де осындай ба­ғамен төлейді. Ауыл тұрғындарына да та­рифтерді 50 пайызға төмендету бел­гіленген.
Нотариалдық тарифтер туралы ақ­парат нотариалдық кеңселерде іліне­ді. Но­тариус тарифті көтерген жағ­дайда жер­гілікті әділет орган­дарына және нота­риалдық пала­та­лар­ға шағым тү­сі­ру­ге болады.