Музыканың ырғағымен төбелесу

Теледидардан капоэйра деген спорт түрін көрсетіп жатады. Ол өзі қай жақтан шыққан, Қазақстанға қанша қатысы бар?
Соқталбай БАЛҒАБЕКОВ, Астана қаласы
Бұл спорт түрінің тарихы тереңде жат­қан көрінеді. Шығу тегін мамандар афро-бра­зилиялық деп жүр. Негізінен, бра­зилияның жекпе-жек өнері. Тарихқа жү­гін­­сек, осыдан бір жарым ғасыр бұ­рын Афри­ка тайпалары арасында ер­кек­­тер өз­де­рінің мықтылығын таныту үшін еңкейіп, аяқ­пен осы капоэйра өне­рін көрсеткен екен. Содан жылдар өте бұл жалпы­ха­лық­тық сипат алып, акро­ба­тикалық эле­мент­тер қосылған. Бы­лай­ша айтқанда, аяқ­пен әр түрлі қимыл жасайсыз. Бертін келе мұны жекпе-жек тү­ріне орай­ластыра бастаған. Қазір әртүрлі турнирлер өт­кі­­зіліп тұрады. Бір ерекшелігі, үнемі му­зы­ка­ның ырғағымен қарсыласыңызға тек аяқ­пен ғана соққы жасайсыз.
Біздің елде де капоэйра федерациясы құ­рылған. Оның президенті әрі осы спорт тү­­рінен жаттықтырушы – Рүстем Балабаев. Бұл спорт түрімен Алматы, Астана, Қа­ра­­­ған­­ды және Ақ­тө­бе қалаларында ай­на­лы­су­шылар көп.