Мұхтар Әуезов футболды жақсы ойнаған

Мен спорт түрлерінің ішінен футболды жақсы көремін. Қазақстан ұлттық құрамасының жанкүйерімін. Жақында бір танысымнан қазақтың хас жазушысы, классик Мұхтар Омарханұлы да футболды жақсы ойнаған дегенді естіп қалып ем. Осы рас па?
Думан ТОҚТАРБЕКҰЛЫ, Жаркент қаласы
Қазақтың ғана емес, әлем классиктерінің қата­ры­нан орын алған ұлы суреткер Мұхтар Әуезов шынында да футбол ойынын жақсы ойнаған. Қазақ­­станға бұл спорт түрі 1909-1910 жылдары келге­нін ескерсек, Мұхтар Омарханұлын қазақ футбо­лының іргесін қалаушылардың бірі деп айтуға толық негіз бар. Өйткені футбол ең бірінші Семей, Орал, Петропавл, Павлодар, Атырау, Ақтө­бе жастарының сүйікті ойынына айналды. Уақыт өте келе бұл ойын бұқаралық сипат алды. 1911 жылы Семейде жергілікті қазақ  және татар жаста­ры­ның бастама­сымен «Жарыс» командасы құрыл­ды. Мұхтар Омар­ханұлы осы «Жарыс» коман­дасының жартылай қорғаушысы болып ойнаған. «Жарыс» өзінің алғашқы кездесуін 1914 жылы Томск қаласындағы политехникалық инсти­туттың сту­дент­терімен өткізді. Осы кездесу Қазақ футбо­лы­ның кіндігі кесілген турнир болып саналады.