Мұқағали өлеңдері неге сыналған?

«Кезінде Мұқағали Мақатаевтың шығармашылығына да сын айтылған» деп жатады. Әсіресе «оның поэзиясының көркемдік деңгейі төмен» дегендер де бол­ған екен. Ақынның қандай өлеңдері сыналғанын білгім келеді.
Бағдат ЕСІМ, Ақтау қаласы
Ақиық ақын шығармашылығын әдеби орта, расында да, сынға алған. Оған «Қа­зақс­тан Жазушылар одағы басқармасы сек­ретариатының қаулысы «Қазақ әдебиеті» газетінде 14.06.1969 жылы жарияланған өлеңдер жайында» атты жазушылардың ке­зек­ті отырысы куә бола алады. Онда: «Қазақ әдебиеті» газетінің осы жылғы 14 күнгі са­нын­да М.Мақатаевтың бір топ өлеңі жария­лан­ды... Бірақ бұл жолғы талғамында редак­ция басшылары (Н.Ғабдуллин, Ж.Тәшенов) газетке әзірлеген өлеңдерге жауапсыз қараған. М.Мақатаевтың жарияланған өлеңдерінде күңгірт, көмескі ойлар, жұмбақ, жұтаң жолдар баршылық. ...Кішкентай бө­бегіне арналған алғашқы өлеңі мен «Тірімі­сің, жүрегім?» атты өлеңінде айқын байқа­лады», – делінген. 1969 жылы Қазақстан Жазушылар одағы басқармасының бірінші хатшысы Әди Шәріпов газет басшыларына ескерту жасап, қызметкерлердің жауапкер­шілігін арттыру жөнінде тапсырма берді.