Әдеби сыйлықтардың ішінде Мұқағали Мақатаев ағамыздың атындағы сыйлық та бар көрінеді. Таяуда бірер тұлғаның осы сыйлық иегері екендігін бір жерден көзім шалды. Аталған сыйлық қашаннан бастап және кімдерге беріліп келеді? Оның тұңғыш иегерлері кімдер?
Шәкен Байжігітов, Алматы облысы
1978 жылдан бері Қазақстан Жазушылар одағы ең үздік ақынға Мұқағали Мақатаев атындағы арнайы сыйлық тағайындап келе жатыр. Бұл құрметті атақ Мұқағали Мақатаев мұрасын болашақ ұрпақты патриоттық рухта тәрбиелеу ісіне, халықтар достығы, ел бірлігі, ұлттардың ынтымағы үшін насихаттауға, ғылыми зерттеулерімен дәріптеуге, қазақ поэзиясын байытуға, ән өнерін дамытуға сіңірген еңбегі үшін беріледі. Мұқағали Мақатаев атындағы сыйлықтың алғашқы иегерлері – Несіпбек Айтов, Жүрсін Ерманов, Ерік Асқаров. Сондай-ақ бұл сыйлықты алу құрметіне ие болғандардың қатарында жазушы Бексұлтан Нұржекеев, әнші Мақпал Жүнісова, ақын Еркін Ібітанов, зерттеуші Айтақын Әбдіхалық, сазгер Тұрсынғазы Рахимов, театр әртісі Бекжан Тұрыс, әнші және ән өңдеуші Лұқпан Жолдасов та бар.