Мүгедектерге қандай жеңілдіктер қарастырылған?

Бұрын мүмкіндігі шектеулі жандарға тұрғын үй, автокөлік, емдік санаторийлерге тегін жолдамалар берілетін. Бүгінде мұндай жеңілдіктер бар ма, әлде алынып тасталған ба? Егер бар болса, қай топтағыларға беріледі екен?
Ербақыт, Тараз қаласы
Жамбыл облыстық дәрігерлік-әлеуметтік сараптама мамандарының айтуынша, Еңбек және халықты әлеуметтік қорғау министрлігі тарапынан жалпы мүгедектерге қарастырылған жеңілдіктердің жаңа ережесі бекітілген екен. Осы ереженің 4-қосымшасында мүгедектерді жүріп-тұру құралдарымен қамтамасыз ету үшін берілетін медициналық айғақтардың тіз­бе­сі көр­сетілген, соған сәйкес, бөлмеде және се­руен­деуге арналған қоларбалармен, еңбек жа­рақаты немесе кәсіптік ауру зардабы бар мү­ге­дектер арнайы автокөлікпен медициналық ай­ғақтар негізінде қамтамасыз етіледі. Қолар­балармен І-ІІ топтағы мүгедектер, ал ар­найы ав­токөлікпен ІІ-III топтағы мүгедектер ме­ди­ци­налық айғақтар тізбесіне сәйкес қам­та­масыз еті­леді. Емдік санаторийлерге меди­ци­налық қай­шылықтары жоқ мүгедектерге баруға болады.