Мұғалімдерге коэффициент бір ставкаға ғана төлене ме?

Арал экологиялық апатты аймағындағы бюджеттік мекемелердің жалақысына пайыздық коэффициент төленетіні белгілі. Мен 1,5 ставкамен мұғалім болып жұмыс істеймін. Маған коэффициент тек 18 сағатқа, яғни бір ставкаға төлене ме, әлде 1,5 ставкаға ма?
 Айдана Әлібекова, Қызылорда облысы
Еңбекті нормалау және еңбекке ақы төлеу басқармасының сарапшы мама­ны­ның мәліметіне сүйенер болсақ, «Арал өңіріндегі экологиялық қасірет сал­да­ры­нан зардап шеккен азаматтарды әлеу­мет­тік қорғау туралы» Ќазақстан Рес­пуб­ли­касының 1992 жылғы 30 мау­сым­дағы Заңының (бұдан әрі – заң) 13-бабына сай, экологиялық қасірет ай­мағында тұ­ра­тын халыққа экологиялық жа­ғынан қо­лайсыз жағдайда тұрғаны үшін:
– экологиялық апат аймағы бойынша – 1,5;
– экологиялық дағдарыс аймағы бойынша – 1,3;
– экологиялық дағдарыс жағдайына жақын­даған аймақ бойынша 1,2   коэффициентті қол­дана отырып, еңбекақы, стипендия төлеу белгі­ле­неді.
Осы коэффициенттер қызметкердің лауазым­дық жалақысына қолданылады.
Мысалы, егер қызметкер 1,5 ставкаға жұмыс істесе, белгіленген қосымша ақы сол 1,5 ставкаға төленуі тиіс.