Мінез қолтаңбадан қалай көрінеді?

Әдетте адамның мінез-құлқын жазуына қарап-ақ білуге болатын көрінеді. Осының нақты бір түсініктемесі бар ма?
Ержан ҚАЛИ, Талғар қаласы
Мамандар адамның жазу үлгі­сін саралай отырып, мына жайт­тарға назар аудару қажет­тігін айтады. 1. Оқылымды қол­таңба адам­ның қоршаған орта­мен жақ­сы қарым-қатынас орна­туға қабілеттілігін көрсетеді. Ұқыпты адамның жазуы да көр­некті бола­ды. 2. Көсілтіп, әріп­тер­ді созып жазуға жұрттың наза­рында болуға тырысатын адам­дар құмар келеді; ұсақ жазу өз-өзіне сенімсіз, әлжуаз кісілер­ге тән. 3. Дөңгелектеп, жұ­мыр­лап жазу мейірімділікті аңғарта­ды; сүйірлене жазылған әріптер бірбет­кейлікті білдіреді. 4. Ай­қын түскен тығыз әріптер күшті ықпал мен үстемділікке ұмтыла­тын адамдарға тиесілі. Әлсіз таңба­лан­­ған көрінер-көрінбес қол­таңба – жасық мінездің көрі­ні­сі.
Кісінің жазуына қарап оты­рып, алаңдатарлықтай жағдай­лар­ды да аңғаруға болады. Мәсе­лен: 1. Әріптерді жиі-жиі сүйір­леп, сон­дай-ақ арасын айтарлық­тай үзіп жазу – стрестің және шарша­ған­дықтың белгісі. 2. Қа­ғаз­дағы бейберекеттік – әріптердің азат жолдарсыз, тегіс жазылмауы ойдың шашыраңқы­лы­ғы мен адам­ның өз ортасынан орын таппай жүргендігін көрсе­теді. 3. Каллиграфиялық қол­таңба – егер адам мектеп қабыр­ғасынан үй­рен­ген жазу үлгісіне өз тарапынан ештеңе қоспаса, онда оның әбден қажыған кісі болған­дығы.