Мереке күндері жұмыс істеген үшін ақы қалай төленеді?

Халықаралық әйелдер мерекесінде үш күн (8-10 наурыз күндері) демалыс болды. Сол күндері жұмыс істеген қызметкерлерге үш күнге мерекелік қосымша ақы төленуі тиіс пе?
Ардақ ЕСЕНГЕЛДИЕВ, Алматы облысы
Еңбекті нормалау және еңбекке ақы төлеу басқармасының сарапшы мама­нының мәліметінше, Қазақстан Республи­касы Еңбек кодексінің 128-бабына сәйкес, мереке және демалыс күндерiндегi жұмысқа қызметкердiң күндiк (сағаттық) ставкасы негiзге алына отырып, кемiнде екi есе мөлшерде ақы төлеу жүргiзiледi.
Осыған орай, егер қызметкер мереке күні жұмысқа тартылса, оған жоғарыда көрсетілген мөлшерде еңбекақы төлене­ді.
Қызметкердің сағаттық ставкасы оның лауазымдық жалақысын ағым­дағы айда­ғы  жұмыс сағаттарының са­нына бөлу арқылы айқындалады.
«Қазақстан Республикасындағы мере­келер туралы» Қазақстан Респу­б­ли­касы заңына сәйкес, Халықаралық әйелдер күні 8 наурыз күні аталып өтеді.
Сондықтан қосымша ақы тек 8 нау­рыз күніне ғана төленеді.