Мемлекеттік қарыз деген түсінікке анықтама берсеңіздер. Мемлекет кімге және қалай қарыз болады?
Әсет Сүлейменов, Алматы
Мемлекеттік қарыз бюджеттің жеткіліксіз болуынан халықаралық қаржы ұйымдары мен шетелдерден несие алуының нәтижесінде орын алады. Мемлекеттік қарыздың өзі екіге бөлінеді. Ішкі және сыртқы. Ішкі дегеніміз – мемлекеттік құнды қағаз иегерлеріне, ал сыртқы – өзге мемлекеттер мен халықаралық қаржы ұйымдарына қарыз болуы. Қазіргі әлемдік экономикалық дағдарыс кезінде әлемнің көптеген елдерінің сыртқы қарызы бар. Биылғы жылдың мәліметтерімен бөліскен кезде еліміздің Қаржы министрлігі Қазақстанның сыртқы қарызы 1,346 триллион (8,925 млрд доллар) теңгені құрағанынан хабардар етті. Бұл 2002 жылмен (601,7 млрд теңге) салыстырғанда екі есе өскенін білдіреді. Ал көршілес Ресейдің сыртқы қарызының мөлшері – 40,6 млрд доллар. Бұл – 2009 жылдың 1 қаңтарындағы мәлімет.