Мектепалды даярлық сыныпты оқу міндетті ме?

Биыл балам төрт жасқа толды. Осы орайда менің білгім келгені, баланы мектепке қанша жастан бастап берген абзал? Мектепалды даярлық сыныпты оқу міндетті ме?
Ғалым ӘБДІРАХМАН, Алматы облысы, Талғар ауданы
Білім басқармасы мама­ны­ның айтуына қарағанда, 1 қыр­күйек­ке дейін жасы алтыға тол­ған балалар ғана мектепке қа­былданады. Алты жасқа тол­ма­ған балалар мектепке қа­был­данбайды. Сондай-ақ ба­ла­лар­дың мектепалдық даярлық сыныпта оқуы міндеттелмеген, сондықтан ба­ла­ның жасы ал­ты­ға толған бол­са, мек­теп­ал­ды даяр­лық сыныпты оқымаса да, мектепке қабылдана береді. Де­ген­мен бірін­ші сыныпқа кел­ген балалардың дең­гейлері бірдей болуы үшін бала­ның мектепалды даярлық сы­нып­та оқығаны дұрыс. Өйткені балабақшада тәрбие­лен­ген бала­лар мектепалды даярлық сы­­нып­ты оқып, әріп танып, сөздерді оқи алатын деңгейде мектепке келеді.