Мектеп медбикелерін Денсаулық сақтау министрлігінің құзырына бере ме?

«Мектептердегі медицина қызметкерлерін білім саласынан алып, Денсаулық сақтау министрлігінің қарамағына бергелі жатыр екен» деп естідім. Осы рас па?
Дүрия ИЛХАМОВА, Алматы облысы
2011-2015 жылдарға межеленген «Саламатты Қазақстан» Мемлекеттік бағдар­ла­масы аясында Денсаулық сақтау министрлігі мен Білім және ғылым министрліктері арасында ведомствоаралық келісім жасалған.
Аталмыш бағдарламаның басты мақ­саттарының бірі – балалар мен жасөс­пі­рімдердің тәни және психо­логиялық денсау­лығын қалыптастыру.
Негізгі міндеттері:
– Балалар мен жасөспірімдердің пси­хологиялық және тәни денсаулығы проблемаларына кешенді ұстанымды қамтамасыз ету;
– білім беру ұйымдарында денсаулық үшін қолайлы және қауіпсіз қоршаған ортаны құру;
– мектеп оқушыларына денешынық­тырумен айналысуға жағдай мен мүмкін­шілік жасау;
– тұтас жүйені дамыту – физикалық ортаны сақтауға, оқушының тәни және психикалық денсаулығын нығайтуға, СӨС ұстануға, валеологиялық сауаттылықты қа­лып­тастыруға бағытталған мектеп медицинасы қызметін құру;
– мектеп оқушылары мен жастардың арасында есірткілерді тарату мен тұтыну­ға, темекі шегуге және алкогольға қарсы тиімді іс-қимылды қамтамасыз ету;
– балалар мен жасөспірімдерді теңге­рім­ді және қауіпсіз тамақпен қамтамасыз ету.
Сол себепті жалпы білім беретін ұйым­дардағы медицина қызметкерлерін Ден­сау­лық сақтау министрлігінің құзырына өткі­зудің қажеттілігі жоқ.